قام مؤمن سليمان المدير الفنى السابق للفريق الاول الكروى بالنادى بالتقليل من إمكانيات أحمد دويدار مدافع الزمالك السابق خلال تصريحات سابقه له.
ورد دويدار على تلك التصريحات عبر صفحته على موقع التواصل الاجتماعى "فيس بوك":
ونشر: لقيت فيديو مومن سليمان بيقول هكسب دوري ابطال افريقيا ازاي ومعايا مايوكا ورمزي خالد ودويدار ومصطفي فتحي ده تقليل مننا من مدرب معندوش خبرة.
وتابع فاكر نفسه عبقري زمانه علي فكرة ماتش العودة صن دوانز انا لعبت من افضل الماتشات في حياتي وكنت نفسي ناخد البطولة بس للاسف طريقتك الهجومية في ماتش الذهاب في صن داونز هيا سبب خسارة البطولة .
وأكمل قولت في المحاضره هنجيب هدفين في اول ربع ساعة حصل العكس دخل فينا ٣ يا مومن انت عدو نفسك فشلت في سموحة وبعد كدة في المقاصة انت مش مدير فني انت مدرب عام كتير عليك كمان .
ووأشار إلى ان شخصيتك ضعيفة مع اللاعبين ومبتعرفش تسيطر علي اوضة اللبس وبلاش اقول انت اتشتمت من مين وانا اللي خليته يبوس فوق دماغك ويعتذرلك قدام الناس مفيش فريق دربته غير لما لاعب يتخانق معاك.
وشدد على انت هتشوف نفسك علشان الاول في الدوري العراقي هوه انا اللي كنت بقول للاعبين انا احسن من كوبر وحسام حسن وميدو وعبقري زماني يا راجل انت بتلف علي كل لاعب تاخد رايه في التدريب وتشكيل الماتش انت مهزوز جدا.
وأضاف انت كل متطلع تقول ١٤ لاعب ايه علاقة ده بطريقة اللعب والفتي ليه العند وتبرير الفشل متقول انك غلطت وخلاص هفضل اقول انت سبب رئيسي في خسارة دوري ابطال افريقيا ماتش صن داونز وكانت بطولة سهلة.
وأتم ربنا يهديك علي نفسك يا روتيشن مكنتش حابب اتكلم عنك بس لازم ارد عليك هتجيب سيرتي تاني اللي جاي هيزعلك.
