طالب أحمد عيد عبد الملك لاعب الزمالك الاسبق، بمحاسبة صاحب قرار عودة كارتيرون لقيادة الفريق من جديد.
وفى تصريحات تلفزيونيه له قال احمد عيد عبد الملك : لازم يتحاسب اللى قرر عودة كارتيرون، واللى قرر عمل عقد له لمدة 3 مواسم.
وانتقد احمد عيد عبد الملك صاحب هذا القرار مطالباً بمحاسبته على هذه الورطة الموجود فيها الزمالك الان.
وأوضح : كارتيرون مش عالى اوى فنياً علشان يتجدد له 3 سنوات، ولازم الموضوع دا يتم فيه حساب.
وفى نفس السياق طلب احمد عيد بمحاسبة اللاعبين وتوقيع عقوبات قاسيه عليهم واللى مش عارف قيمة الزمالك يمشى.
وعن المحترفين قال احمد عيد : فيه محترفين فى الفريق مقدموش اى حاجه، والمحترف دا لازم يقدم الاضافة اللى اللاعب المصرى مش بيقدمها، ولو فى لاعب مصرى اعلى يبقى المحترف ملوش لازمة.
واتم : لو انا صاحب قرار هقول للمثلوثى شكراً على الفترة الماضية.
