فى أول تعليق لامير مرتضى منصور المشرف العام على الكرة فى نادى الزمالك بعد الهزيمة من الوداد.
وفى تصريحات تلفزيونيه له قال امير مرتضى : هاردلك لجمهور الزمالك وبنعتذرلهم على النتيجة.
بعتذر عن سوء سلوك بعض اللاعيبة بعد ماتش انهاردة .. الجمهور له الحق لما يغضب ميكونش في رد فعل مننا كمسئولين أو لاعيبة
موضوع بن شرقي؟ من الناحية الفنية ممكن نكون مش محتاجينه فنياً .. الزمالك مبيستناش حد..
لو عقد بن شرقي مستمر معانا بمستواه ده هطلعه إعارة مش هقعده مع الفريق.
طارق حامد قال إديني مهلة أصلي استخارة وأرد عليك .. والمهلة خلصت ومش هفضل قاعد مستني ومع احترامي لطارق أنا بمثل الزمالك.
اسم طارق حامد مع المجموعة ؟ عشان منجملش الكلام .. اجتمعت معاه الخميس اللي فات في وجود وكيله وقولتله النادي بيقدرك وبيحترم وهو قال نفس الكلام .. لكن ربطلي كلامة إن في عرض سعودي في الصيف
في لاعيبة مش حاطة الزمالك أولوية بالنسبة لهم .. حاطين الزمالك رقم 2 أو 3 .. وقرارات رئيس النادي مش انفعالية
قرارات عدم التجديد للأسماء اللي تم الاعلان عنها هي قرارات واخدينها من فترة ومرضيناش نعلنها وكنا بنتعرض لاستفزازات كبيرة زي صورة أبو جبل اللي اتسربت مع وكيل.
ضم لاعيبة جامدين في الصيف ؟ احنا في 2017 مضينا عبد الله السعيد بـ 40 مليون .. احنا اللي اختارنا اللاعيبة واحد واحد
مفيش حاجة اسمها لاعب ضحى بفلوس أكثر في السعودية عشان يجدد للزمالك وأعوضه
قولت لمستر فيريرا قبل ما يجي إحنا عندنا لاعيبة كويسة بس مبقناش فريق كويس .. مش هنضحك على نفسنا
الزمالك أكبر من لاعب واخد عرض من الزمالك وحاطه في الدرج وبيشوف عروض تانية .. مش عايز أحط الناس في موقف مع الجمهور كفاية اللي كانوا فيه انهاردة
