كشف أمير عزمى مدرب الفريق الاول لكره القدم فى النادى سابقاً، كواليس التعامل مع المدير الفنى الاسبق للزمالك، الفرنسي باتريس كارتيرون.
وقال خلال تصريحاته اوقات كان الفرنسي زكي في التعامل مع اللاعبين وأوقات لا، وأنا مش بحب اتكلم عن مدير فني اتعاملت معاه.
وتابع البعض كان بيسال ليه مش بنتدخل في القرارات الفنية، انا في منصب مدرب مش مدير فني، ممكن تقوله اقتراح لكن لو هو لم ينفذ ده هتعمل ايه؟.
وأضاف في اوقات كنت بقول وجهة نظري ولكن كان له وجهات نظر تانية وانا مش مقتنع بيها لكن هو صاحب القرار.
وأكمل مش كتير انه كان لينا أراء فنية وينفذها، لما قعدت معاه اول مرة، قولتله انا عملت مع مدير فني كتير، السويسرى كريستيان جروس.
وواصل هو كان عارف ده، قولتله انا جاي اساعد وانجحك مش جاي اضايقك، الفرنسي وقتها اكد ان الكلام الي بيتقال انه رافض مدربين مساعدين غير صحيح.