اعتبر مدحت عبد الهادى مدرب الزمالك الاسبق فى جهاز الفرنسي كارتيرون أن طريقة رحيلة عن الجهاز الفنى لم تكن لائقه بإسمه وتاريخه.
ورحل مدحت عبد الهادى ومعه أمير عزمى مجاهد عقب ما حدث فى مباراة الوداد فى المغرب وانفعاله على احد الشباب حاملى الكرات هناك.
ليصدر بعدها مباشرةً مرتضى منصور رئيس النادى قرار باقالة الثنائى قبل العودة للقاهره، وقبل حتى حسم مصير كارتيرون.
مدحت عبد الهادى قال فى تصريحات تلفزيونيه له : مش مدحت عبد الهادى اللى يحصل معاه كدا، وبقول مرة تانية "والكلام على لسانه" انا ملمستش الشاب حامل الكرات، كل اللى حصل روحت وجيبت الكرة منه واعتذرت له وخلاص.
الموضوع كبر فى الاعلام معرفش ليه، وطريقة رحيلى كانت صعبة، وخدت قرار انى مش هشتغل فى الزمالك تانى لانى مش بعرف أشتغل تحت الضغط دا.
وأتم : لا يهمنى مناصب أو عمل المهم عندى جماهير نادى الزمالك، ومعرفش ذنب امير عزمى إيه فى الموضوع.
