شن احمد حسام ميدو لاعب الزمالك الاسبق انتقاد كبير لمنتخب مصر بعد مباراة المنتخب ضد السنغال.
ميدو وعبر برنامجه التلفزيونى قال : منتخب مصر وحش واحنا مش هنطبل لكيروش، ونروح نخسر هناك 3 او 4.
وواصل : مش هقعد اذيع اغانى وطنية لحد ما نخسر وبعدين اطلع انتقد المدرب واللاعبين.
احنا ملعبناش كورة، والمنتخب كان شكله وحش، وانا مش فخور بالفوز زى ماقال كيروش.
متعجب من تصريحات كيروش وواضح انه كان عايز يعمل مشكلة مع الصحفيين فى المؤتمر علشان يوجه الاعلام والجمهور فى حته تانية.
البرتغاليين عموماً فى الحتة دى، عند اى هزيمة او أداء سيء يقومون بتوجيه الامور الى شيء بعيد تماماً عن الملف الاصلى.
