منذ ان انتهت مباراة مصر والسنغال يوم الثلاثاء الماضى، وهناك اقاويل تتحدث عن شكوى للفيفا وللكاف وطلب لاعادة المباراة.
عناوين لمواقع معروف اتجاهاتها وصفحات سوشيال ميديا منها من ينشر لسبب ومنها من ينشر عن جهل باللوائح ومنها من ينشر بحماس زائد وحب للبلد، ومنها من لايعرف كيف تدار الامور.
مبدئياً الغرض من تصريحات مسئولى الجبلاية بشأن طلب اعادة المباراة هو محاولة لتهدئة الشارع الكروى المصرى.
والحقيقه وكما تعودنا معكم هناك امور لا تحتمل التجميل ان المباراة لن تعاد والامر انتهى والامور محسومة ومبروك على السنغال.
فكرة بقى تصريحات عنترية ملهاش لازمة علشان نكسب وقت فكرة بقت مفهومة ومعروفه.
قولوا الحقيقه وقولوا ان احنا قدمنا شكوى لكن مش هننتظر اعادة المباراة، وان الامر كلة مجرد اثبات حاله وخلاص وان الامر لن يتعدى غراما ماليه على السنغال.
لازم نبطل نبيع الوهم للناس ونقول كلام كبير اوى اوى اوى وبعدين فى الاخر مفيش.. كفاية اوهام نعيشها.
