رد اللاعب أحمد بلال لاعب الأهلى السابق على مبررات الخسارة من السنغال و على طلبات اعادة المباراة عقب فقدان حلم التأهل للمونديال.
وكان منتخب مصر قد خسر مؤخرا فرصة التأهل إلى نهائيات كأس العالم في قطر بـ الخسارة من السنغال فى الجولة الحاسمة
وكتب أحمد بلال عبر حسابه على موقع التواصل الاجتماعى فيس بوك قائلا:
بعد كل القيل والقال اللي بعد الماتش وبعد ما ناخد نفس عميق احب اقول كام حاجه صغيره
اولا منتخب مصر ادي كل حاجه في حدود امكانياته وامكانيات لاعبيه هيا دي الكواليتي اللي موجوده
ثانيا. فعلا كانو. رجاله وبيلعبو بروح عاليه جدا. بس في فروق كبيره في الامكانيات
ثالثا
مشكلتنا الكبيره في الجماعه اللي ماسكين المايكات تقريبا هما اقرب لانهم مش بيقولو الحقايق او يمكن ميكونوش بيفهمو فيها
التطبيل او عدم الفهم له حدود ٦ كباتن كبار في الاستوديو ومعاهم انسان مهذب ومحترم. كلهم محدش قال ان في فرق كبير في الامكانيات وان امكانيه صعودنا صعبه جدا لان في فروق كبيره. وده مش عيب علي فكره
لان العيبه في المنظومة اللي ملهاش صاحب
الكوره في مصر ملهاش صاحب بيفهم فيها. هيا بس مجموعه بتستفيد منها. والغريبه ان القائمين علي اللعبه دي ياريتهم بيفهمو في الكوره او ممكن حد يطلع يفاجئنا بعمل نظام او لوائح تفيد الكوره.
للاسف الكل جاي الاتحاد عشان يسترزق
الكوره اكل عيش حلو في مصر
مش هتتغير الا اذا الناس القائمين عليها اتغيرت
سواء اعلاميين او مسؤولين
صباح الفل علي شعب بيحب الكوره ونفسه يشوف منتخب بلده احسن منتخب في العالم
