تحدث مرتضى منصور رئيس النادى عن شكل قناة الزمالك فى المرحلة القادمة بعد ان استلمها مجلس ادارة النادى بصورة رسميه.
وأكد منصور انه بالفعل تم الإستقرار على تغيير خريطة القناة بالكامل، حيث تم الاستقرار على تغيير بعض المناصب فى القناة، وتغيير مذيعى القناة.
ولجماهير الزمالك قال منصور : لازم نصبر الفترة دى علشان الحفاظ على اسم وشخصية الزمالك.
وواصل : مش هسمح لاى لاعب متمرد أنه يفرض شروطه على النادى مهما كان اسمه، وما يحدث من البعض خيانة ومش هتراجع عن معاقبة اى لاعب متمرد.
في لاعب كان بيأخد مليون و700 الف، ودلوقتى بقى ياخد 22 مليون، ودلوقتى بيقول مش هشارك فى التمرين.
فى لعيب تانى لف أندية مصر كلها وباس ايدى علشان يرجع، ودلوقتى بيتمرد ودا غير مسموح.
وواصل : الزمالك فيه ملايين، عكس ما يحاول البعض ترويجه، وهو فيه نادى مفلس يزود مرتبات ويدفع مكافات اليد والسله والطايره.
لعيبة الكورة واخدين 80% من عقودهم وفاضل 10% وعاملين مواضيع، وفيه فضايح فى العقود.
وأتم : مفيش حد هيبقى عند جمهور الزمالك اغلى من لاعب زى طارق حامد، والجمهور قالب عليه هو وبن شرقى.
