شن مرتضى منصور رئيس النادى هجوم على محمود الخطيب رئيس النادى الاهلى فى الفيديو الذى بثه منصور بالامس.
جاء هذا بسبب هجوم بعض من جمهور الاهلى على نادى الزمالك ككيان، بعد واقعة ميدالية اللواء مصطفى هدهود نائب رئيس النادى المستقيل.
مرتضى منصور نشر فيديو محمود الخطيب وهو يضع ميدالية ميدالية ذهب فى جيبه، فى احدى مراسم الاحتفال على المستوى الافريقى.
وقال منصور : بفكر العيال اللى أدبها علينا، ان محمود الخطيب عمل كدا قبل كدا، لكن الفرق بينا وبينه اننا عندنا احترام واللواء هدهود استقال منعاً لاحراج نفسه واحراج النادى، وهو نادى الزمالك يا محمود ياخطيب نادى القيم والمبادئ.
بقول لمحمود الخطيب : لم العيال بتوعك انت واخد ميدالية دهب ومحدش حاسبك، لكن احنا عندنا ثواب وعقاب لمجرد انه حس ان فى اساءه لنادى الزمالك.
مش عايز أسمع صوتك تانى مصر كلها شافتك وانت بتاخد ميدالية دهب فى محفل افريقى ومحدش بيحاسبك، وانت عندك مخالفات بالمليارات.
