فى اول تعليق للبرتغالى فيريرا المدير الفنى للفريق على تعادل الزمالك اليوم مع فاركو.
انتقد فيريرا فكرة ضغط المباريات التى يخوض به الزمالك مبارياته فى الفتره الاخيره، أى بمعدل كل 3 أيام مباراة.
وواصل : فى اسبوع لعبنا 3 مباريات مضغوطة، ازاى كدا وكيف يحدث، دائماً مااتحدث فى هذا الموضوع، خاصة أنى العب مع فرق تعمل على غلق المساحات امام الزمالك ودا بيتطلب منا مجهود مضاعف.
اللاعبين عملوا اللى عليهم ومش هقدر أقولهم حاجة، أدوا ما عليهم وكنا بنضغط على المنافس لكن التوفيق لم يحالفنا فى احراز هدف.
معرفش ايه معايير تحديد مواعيد المباريات، وفى كل الاحوال بنحاول نتأقلم على اللى بيحصل معانا، لكن ضغط المباريات صعب.
وأضاف : فى ماتش فى اسكندرية بعد أيام، وبعدين 9 أيام بدون مباريات، ثم ماتش بعد 3 أيام، كيف يحدث هذا.
وعن مشاركة سيد عبد الله نيمار مكان بن شرقى الغائب قال فيريرا : عندنا مجموعة شباب مميزين، وسيد عبد الله شارك قبل كدا أمام ساجرادا وبيتم الدفع بهم تدريجى وسط هذا الضغط.
بنفتقد كل اللاعبين، وقبل كدا كان فيه انتقاد لبن شرقى، والان نقول نفتقده.
تم الدفع بشيكابالا دخل في توقيت مناسب، وقدم أداء ومستوى جيد، وسيف الجزيرى كان مصاب ولكنه تحامل على نفسه وشارك.
وعن طارق حامد قال : قدم مباراة قوية وعمل مباراة ممتازه وأدائه كان جيد.