أكد الناقد الرياضى خالد طلعت على عدم صحة ركلة جزاء النادى الاهلى التى أحتسبت لصالح بالامس فى مباراة سيراميكا كليوباترا.
وعبر صفحته الشخصية على موقع التواصل الاجتماعى فيس بوك كتب خالد طلعت قائلاً :
ناس كتير باعتالي صورة محمد محمود وهو مصاب في حاجبه ، على أساس بقى ان دي دليل انها ضربة جزاء !!
عايز أشرحلهم تاني وأفهمهم ليه مش ضربة جزاء لكن واضح انهم مش عايزين يفهموا :
1- الهجمة من البداية فيها لمسة يد على بيرسي تاو تجب أي حاجة بعدها
2- محمد محمود لعب الكورة بدماغه والكورة خرجت بدون أي تدخل
3- التدخل حصل بعد محمد ما لعب الكورة وتدخل عادي بين 2 لاعيبة بيحاولوا يوصلوا للكورة بدون أي خشونة أو تعمد
4- محمد محمود هو اللي موطي دماغه لتحت في مستوى الاقدام مش لاعب سيراميكا اللي رافع رجله وحتى لو محمود اتصاب تتحسب فاول عليه طبقا للقانون
5- بعد كل ده بقى كمان حتى لو اتحسبت حسين الشحات دخل المنطقة قبل التسديد وكان لازم الركلة تتعاد
6- جهاد جريشه الحكم الدولي المميز قال مش ضربة جزاء
7- الفنان العظيم الأهلاوي المتعصب نبيل الحلفاوي قال مش ضربة جزاء
8- المستشار محمد رشوان الأهلاوي المتعصب ومحامي جماهير الأهلي قال مش ضربة جزاء
