|
يرى هانى زاده عضو مجلس إدارة الزمالك السابق, أن الفريق الذى يفشل فى الفوز ببطولات لمدة 5 سنوات, لابد أن يتم إحلاله وتجديده .
وقال زاده " الفريق اللى يقعد 5 سنين ميجيبش بطولات مش هيقدر يجيب رغم إنه بيكلف النادى ملايين, ولازم يتفور, وأبتدى أشوف مع الخبراء إزاى أجدده " .
وأضاف بقوله " اللاعيب فى الأهلى أو الزمالك اللى يلعب سنة أو إتنين ميجيبش بطولات, مش هيجيب بعد كده, الناشئين فى الأهلى كانوا جامدين وبياخدوا القاب فكانوا بيطلعوا فريق أول يخبطوا فى الزمالك 5 أو 6 سنين, فإحنا إبتدينا نقوى الناشئين ويجيبوا بطولات ونجيب صفقات ناجحة فإبتدى الفريق يمشى " .
وتعجب زاده من وجود عبد الواحد السيد فقط فى حراسة المرمى, فى الوقت الذى يتعاقد فيه مسئولو الزمالك مع لاعبين فى مراكز أخرى .
وتابع بقوله " فرقة الكورة دى التورتة بتاعة النادى ودى اللى بتجيب فلوس, فى ناس عالة على الفريق وبتكلف النادى كتير رغم إن البديل موجود " .
وأبدى زاده إستياءه من أزمات ممدوح عباس رئيس النادى مع رؤوف جاسر عضو المجلس قائلاً " كان نفسى المشاكل متتقالش لإن وارد تحصل فى المجالس, وإن كانت الطريقة اللى إتقالت أو حصلت أوفر وأكبر من الإختلاف فى الرأى, فى عهدنا كان مرتضى منصور وكمال درويش على خلاف شديد, لكن اللسان مبيغلطش " .
وأتم تصريحاته قائلاً " مينفعش الأمور توصل لكده, لإن هنقعد إزاى وشنا فى وش بعض بعد كده .. صعبة " .
شاهد الفيديوهات
|
