أكد مرتضى منصور رئيس النادى أنه من أسهل الامور ان يرحل عن رئاسة نادى الزمالك هو وأبنائة امير وأحمد.
على الاقل هنوفر صحتنا ووقتنا واموالنا، الا ان جماهير الزمالك وأحلامهم والامال الذى يتمنى ان يحققها للجماهير تمنعه من هذا.
وأكد منصور ان الامور بين الجماهير تسير فى طريق صعب، والدليل ان جمهور الاهلى فى مباراة الاهلى ووفاق سطيف هاجم نادى الزمالك وهاجم شيكابالا ولم يتحدث أحد من مسئولى الاهلى لتهدئه الاجواء، واحنا كدا رايحيين على فتنه كبيره.
وأشار الى المنظومة تغيب عنها العداله، بمعنى ليه مش كل فريق بيلعب على ملعبه، ليه المصرى يلعب فى اسكندريه، ليه مروحش انا والاهلى نلعب فى بورسعيد، او على الاقل الاهلى يلعب مع المصرى فى الاسماعيليه.
وأشاد منصور بالسيد حسين لبيب رئيس اللجنه السابقه التى كانت تدير النادى حيث قال : هو شخص محترم وبيتعامل باحترافية شديده.
هو طلب منى أتبنى قضية هشام نصر ضد حسن مصطفى وانا وافقت حتى لو كان هشام نصر كان فى قائمة احمد سليمان فى الانتخابات الاخيره.
وتحدث ساخراً الناس بيقولوا مين بيحمى مرتضى منصور : طب ازاى حد بيحمينى وانا اتعزلت واتحل مجلسى واتحبست قبل كدا، يبقى ازاى حد بيحمينى.
