بالطبع يظهر للجميع من محبى وعشاق نادى الزمالك، ان مستوى عدد كبير لاعبى الفريق متراجع فى الفترة الاخيره.
وهذا ظهر جلياً، وواضحاً فى المباراة الاخيره للفريق امام انبى، وفى المباريات التى سبقتها للحقيقة لكن النتائج كانت تخبئ كل شيء.
والان على فيريرا ضرورة احداث غربلة نسبيه فى الفريق بالطبع وفق العناصر المتاحه، فنحن نعرف ان بسبب أزمة القيد الفريق يعانى، الا انه لابد من المحاولة.
أولاً : بصورة واضحه وبدون زعل أبو جبل لازم يريح شوية ودا كان لازم يحصل منذ اشتباكة مع الجمهور بعد مباراة الوداد، ومسألة تجديد تعاقده، لان واضح ان فكرة مشغول.
ثم يحصل عواد على فرصة حقيقه، لانه بالبلدى جعان كورا وعايز يلعب.
ثانياً : الدفع بمحمد عبد الغنى على حساب محمود علاء اللى واضح انه مش مركز أيضاً ومحتاج يريح لفترة ويصفى ذهنه.
ثالثاً : حمزة المثلوثى، واللى هو مش قادر يتأقلم لحد دلوقتى مع الفريق، ممكن نجربة كورقة بديله ونعتمد على حازم امام الفترة الجاية ولو ان اصاباته الكثيره مشكلة.
رابعا : بن شرقى واللى بقاله سنه تقريباً، مقدمش حاجة مع الفريق ولو حسبت دقائق لعبة الكويس فى اخر موسم لن تتعدى دقائق قليله، فلازم ندور له على بديل، وكان ممكن تجهيز سيسيه ولما لا عبد الله جمعه مثلاً وهو كان يلعب فى هذا المركز من الاساس.
خامساً : أوباما صانع العاب الفريق، وهو بشهادة الجميع يحتاج لمراجعة مع النفس، يحتاج أيضاً للراحة وراحة كثيره.
خمس لاعبين تحدثنا عنهم وهم نصف فريق تقريباً، والعدد كفيل بأن يكون سبب فى تراجع مستوى اى فريق.
واخيراً ورساله الى ادارة الزمالك نقولها هنا فى الزمالك اليوم منذ سنوات، اللى مش عايز الزمالك ميلزمناش.
