تحدث الاعلامى خالد الغندور عن تناقض جمهور الاهلى والالة الاعلامية الخاصة به، فى الحديث عن الفوز بالقاب فى العاب الصالات.
وقارن بين ماقيل عند فوز الزمالك بهذه البطولات، والتقليل منها، وما حدث عندما فاز الاهلى بها، والاحتفال بها.
وعبر صفحته الشخصية على موقع التواصل الاجتماعى فيس بوك كتب خالد الغندور قائلاً :
الانسان بيبقي سعيد لما يقول كلام ويطلع صح وقت فوز الزمالك بدوري وكاس الطائرة واليد دوري وسوبر وبطولة تصفيات افريقيا في السلة بعض الناس كانت بتتريق علي جمهور الزمالك اللي بيحتفل بفوز فريقه في هذه الالعاب.
ولما هو كسب فرح فرحة رهيبة و الاعلام مهتم جدا و قناتهم كمان و فرحة علي التواصل الاجتماعي رهيبة من كل الجماهير ودلوقتي عرفت انت كنت بتتريق ليه وشايف الالعاب دي مالهاش لازمة لمجرد ان الزمالك كسبها وكسبك فيها وده كان مزعلك.
والاغرب كمان ان الزمالك كل ما يكسب بطولة يطلع الاتحاد بتاع اللعبة يغير نظامها بعد سنة فوز الزمالك علي طول مثل السلة الموسم الماضي والطايرة هذا الموسم سبحان الله صدفة كل مرة.
وعلي العموم الرياضة مكسب وخسارة وفي النهاية اتعلموا تقولوا مبروك للفائز وهارد لك للخاسر هي دي القيم الحقيقية.
ومثلا انا زملكاوي وابارك لجمهور الاهلي اللي هما صحابي والحقيقة الاخلاق والروح الرياضية تظهر وقت الخسارة مش وقت الفوز.
