تحدث امير مرتضى منصور المشرف العام على فريق الكرة بالنادى عن طارق حامد لاعب خط وسط الفريق الاول لكرة القدم بالنادى.
طارق حامد الذى غاب عن مباراة الفريق بالامس، لشعوره ببعض الالام فى الركبة، وسفره الى المانيا للكشف واجراء فحوصات.
أمير وفى تصريحاته قال : طارق حامد سافر من أجل استكمال علاجه فى الخارج، ولاجراء فحوصات على ركبته، وهذا السفر كان بناء على طلبه.
اللاعب يشعر بانه مش سليم تماماً، واستغل ايقافه عن المباراة الماضية وقرر انه يسافر، وطارق تحديداً طارق عنده طقوس معينة كدا في التأهيل.
وعن بن شرقى وما يقال عنه وتوقيعه للاهلى قال امير فى تصريحاته : كفاية كلام بقى عن بن شرقى، اللاعب موجود وبيتدرب معاما ومركز، وعايز يعمل حاجه للزمالك.
مش من حقى دلوقتى أقول هيمشى ولا لا، بعد الموسم نتكلم، وهو لاعب محترف وعقده خلص، ومن حقه يوقع لاى نادى دلوقتى.
انا عارف ان اللاعب نفسه زهق من الكلام فى الموضوع دا، ومش من حقى اعمل تحقيق مع اللاعب.. هو فى النهاية لاعب حر، يروح الاهلى او بيراميدز أو اى نادى دا شيء ميهمناش وقتها.
واتم : اللاعب فى النهاية عقده مستمر معانا حتى نهاية الموسم.
