|
أشاد إبراهيم صلاح لاعب الزمالك, بمعسكر الإمارات الذى خاض
الأبيض خلاله وديتين أمام شاختار الأوكرانى وخسرها 3/2, وزينيت الروسى وفاز
بها 1/0 .
وقال صلاح " الماتشين فرقوا معانا حسينا بنفسنا شوية, بعد فترة طويلة مرة واحدة لقينا أجواء عالمية تساعد على الكورة, فرقتين محترمين بيلعبوا جيم مفتوح, كان عندنا حماس كإنها بطولة رسمية نفسنا نكسب واللاعيبة كانت رجالة " .
وتابع بأن اللاعبين كانت لديهم الرغبة فى عودة الدورى بعد تلك البطولة الودية, مضيفاً بقوله " من جوايا بنسبة 100% عارف إن مفيش دورى رغم كل اللى بيحصل, لو كانوا قادرين يعملوه كانوا عملوه من زمان, إحنا عملنا 20 فترة إعداد و100 ماتش ودى, وبطولة أفريقيا هى أحسن حاجة مخليانا نستعد ", وكشف عن أن حماده أنور المدير الإدارى, أبلغه بأن الجمهور سيحضر مباراة الزمالك أمام جازيللى التشادى, يوم 16 فبراير القادم بالقاهرة, فى ذهاب دور الـ64 من المنافسات الأفريقيا .
وكشف عما دار خلال جلسة التجديد مع د.عبد الله جورج رئيس لجنة التعاقدات بالزمالك قائلاً " أنا قولت اللى إنتوا شايفينه وأنا تحت أمركوا والراجل قاللى إنت أسهل حد فى التجديد, قولتله أنا بقالى 5 سنين فى النادى معملتش مشكلة وسايبلكوا التقدير, ومعترضتش على عقد الدرجة التانية بتاعى, لإن ده اللى أنا جيت بيه ومضيت عليه, قالولى هنشوف مجلس الإدارة ونرد عليك ومحدش كلمنى " .
وتمنى صلاح فى ختام تصريحاته أن يستمر المدير الفنى البرتغالى جورفان فييرا مع الزمالك قائلاً " الراجل كلامه إن عنده مشكلة كبيرة فى الفيزا بتاعته, وعشان ياخد إقامة لازم يقعد فى البلد 15 يوم متتالى, هو حاببنا جداً وإحنا بنحبه جداً لإنه محترم زيادة عن اللزوم, وأتمنى إنه يرجع الفريق لإنه هيضيف لينا وإحنا نفسنا نعمل حاجة عشانه " .
شاهد الفيديوهات
|
