علق المحلل الرياضى محمد داوود على حالة الغضب التى أصابت البرتغالى فيريرا المدير الفنى للزمالك خلال مواجهه أسوان بالأمس فى كأس مصر.
وذلك بسب بالأداء السئ من الفريق رغم الفوز بهدفين لهدف والتأهل الى المباراة النهائية من مسابقة كأس مصر نسخة الموسم الماضى.
وكتب محمد داوود عبر حسابه الشخصى على موقع التواصل الاجتماعى تويتر قائلا:
مرة كنت بقول لواحد صاحبي "لما بتتقال مغالطات كتير في جملة واحدة بتعجز إنك ترد عليها" لإن من كتر الأغلاط بتكون مش عارف ترد على ايه ولا تصحح ايه
وتابع أيضا: ده حال لاعبي الزمالك على مدار الموسم، والنهاردة لحظة التجلي الأبرز لكل العك اللا متوقف من اللاعبين في كل قرار وتصرف، لحد ما افتكرت الجملة دي وسط الماتش، وإنها المعبر عن حال الزمالك دلوقتي
وواصل: مع آخر لقطة في المباراة لقيت فيريرا نفسه واقف على الدكه بيشتم وحسيت بحاله، لما يبقى في غلط أو أتنين أو عشرة ممكن تحاول تعدلهم وتتكلم فيهم، بس عداد الأخطاء اللي مبيقفش من لاعبي الزمالك بتعجز إنك تعمل حاجة في لحظتها غير إنك تشتم
