علق احمد مخلوف مدير المركز الاعلامي والسوشيال ميديا على فكرة محاولة الهاء جمهور النادى الاهلى بعدالهزيمة بالامس من الوداد فى نهائى دورى أبطال افريقيا.
حيث خرج الاعلامى أحمد شوبير ويقول ان الاهلى تعاقد مع صفقة كبيره، ومش "بن شرقى" فى محاولة لإلهاء جمهور الاهلى عن ما حدث.
وعبر صفحته الشخصية على موقع التواصل الاجتماعى تويتر كتب أحمد مخلوف قائلاً :
الاهلي خسر أفريقيا وطبعا بيدور على حاجة علشان الجماهير تتلهي فيها.
ف الأخ شوبير طلع قال الاهلي خلص صفقه ومش بن شرقي وطبعا هو قاصد كدة علشان الجماهير تتلهي وتبدأ تفكر وتتوقع وتنسى خالص اللي حصل لفريقهم.
وفى تويته اخرى واصل قائلاً : لكن الاقي ناس المفروض زملكاوية داخلة تسأل الاهلي خد زيزو طب خد فلان طب خد علان بذمتكم ده ينفع.
يعني شوبير بيرمي طعم عشان يبعد الكلام عن الهزيمة يقوم المحنكين ينقلوا القلق والخوف والتوتر والمشاكل عندنا !
بلاش تكونوا زي الدبة اللي قتلت صاحبها وشغلوا عقولكم بقى
