علق الإعلامي عمرو أديب على ردود فعل مجلس ادارة الاهلى تحديداً على الهزيمة فى نهائى دورى أبطال افريقيا من فريق الوداد المغربى.
وعبر برنامجه التلفزيونى قال عمرو أديب : الاهلى دايماً بيفوز، ومش بيعرف يتهزم، مع ان الرياضة مكسب وخسارة عادى يعنى.
وتابع : فى مصنع شماعات هزيمة عند الاهلى، وكان ناقص كمان يتكلموا عن ان الرياح الموسمية سبب الخسارة.. يا جحماعة هو الاهلى لعب حلو علشان يكسب.
شوفوا مباراة نهائى دورى الابطال الاوروبى علشان محدش يقولى الاجواء، جمهور ليفربول عانى برا الملعب ومع ذلك الفريق لعب حلو لكن الحظ لم يخدمة.
الاهلى خسر، الدنيا ولعت، ازاى يا جماعة الاهلى يخسر، وايه يعنى ما الكورة كدا مكسب وخسارة احنا لية مش بنتقبل الهزيمة، العالم كله بيتقبل الزيمة إلا احنا.
خدوا اخلاق الهزيمة من واحد زيي، فريقه بيتغلب بطلع أقفل الجاكيت وأضحك.. خدوا الامور بهدؤء ياجماعه.
