رفض أحمد مخلوف مدير السوشيال ميديا فى نادى الزمالك الحديث عن ان فيوتشر خطف اللاعب مهند لاشين من الزمالك عقب اعلان التعاقد معه بالأمس.
وكتب أحمد مخلوف عبر حسابه على موقع التواصل الاجتماعى تويتر قائلا:
هو مين قال إن مهند الزمالك فكر فيه عشان يتقال أن فيوتشر خطفه من الزمالك !
طب وهو ينفع استغناء تطلع في شهر ٦ والقيد لسة في شهر ٩ علما بأن من شروط القيد أن الاستغناء ميعديش عليه أكثر من شهر من تاريخ التوقيع دا غير ان اللاعب عنده عقد مع الجيش مستمر لمدة سنة قادمة.
وتابع: طب وهو كدة مهند هيكمل مع الجيش مباريات الدوري ولا هيقعد في البيت لحد بداية الموسم الجديد؟
طب ليه فكرة الضغط اللي ملهوش اي لزمة للاعلان عن صفقات لأن ده مش هيفيد النادي في حاجة في الوقت الحالي بل ممكن يضره
اطمنوا كل احتياجات فيريرا موجودة وعلى أعلى مستوى
وكان نادى فيوتشر قد اعلن بالأمس الحصول على توقيع اللاعب مهند لاشين لاعب الجيش لمدة أربعة سنوات قادمة بعد ان كان الحدث عن اقترابه من الزمالك
