رفض الاعلامى احمد حسام ميدو الاقاويل التى تتردد بالمطالبه بإستقاله اتحاد الكره، لتراجع مستوى منتخب مصر الوطني.
واكد خلال تصريحاته ان من يتحدث عن استقالة الجبلايه لا يعلمون أبعاد هذا القرار، ويوجد من حارب ليجعل أي مسؤل يدير الكرة المصرية فاشل.
واشار إلى ان استقالة الجبلايه حالياً، ستؤدي لتعيين لجنة مؤقتة من جانب الاتحاد الدولى لإدارة الكرة المصرية واللجان المؤقتة يتم تعيينها للدول الغير قادرة على إدارة شؤونها الرياضية.
واضاف نحن ما صدقنا انتهينا من اللجان المعينة، هنرجعلها تاني، هل احنا حمل ده؟ في ناس عايزة تفضل تتحكم في الكورة المصرية.
وتابع الناس دي مشيت خلاص لكن لسة ليهم دروعهم الإعلامية اللي بيحاربوا أي حد في الكرسي حالياً.
وشدد على ان لا يحصل هذا، انتم بتسلموا رقبتكوا لهاني أبوريدة وأحمد مجاهد تاني وهما دول اللي هيعينوا ناس تبعهم وهنرجع تاني لنفس الأسماء.
وأتم الفكرة دي فكرة فاشلة، وهترجعوا تعيطوا وافتكروا إن الأهلي لعب كأس العالم للأندية من غير الدوليين لفشل لجنة مجاهد في الإدارة.