شن الاعلامى مدحت شلبى هجوم عنيف على السيد جمال علام رئيس اتحاد الكرة المصرى، بسبب المشهد الكروى السيء الاخير.
وقال مدحت شلبى عبر برنامجه التلفزيونى : جمال علام طالع يتكلم عن الفساد، وهو تم تعيينه في مجلس هانى ابوريده الاسبق الذى كان يدير الجبلاية مستشار بمبلغ 25 الف جنية فى الشهر، وعربيه بالبنزين كانت تحت أمرة.
احنا عارفين جمال علام جه ازاى، هانى ابوريده وهو شخص تقيل عند الجمعية العموميه نجح انه يجيب جمال علام فى الفترة من 2012 وحتى 2016، وهو شخص مكنش معروف، وهانى أبوريده كان الحاكم الفعلى للجبلاية.
وواصل مدحت شلبى قائلاً : بتتكلم عن الفساد، انت خدت عربية كيروش المدير الفنى السابق واللى كانت مخصصه له، ودى تكلفتها 15 الف جنية فى الشهر دا غير مرتب السواق بتاعها.
الحضرى وهو فى جهاز كيروش كان بيأخد 100 الف جنية، دلوقتى مع ايهاب جلال بيأخد 150 الف، محمد شوقى كان بيأخد 200 الف دلوقتى بقى 400 الف.
وأتم : وجاى تطلع تقول مفيش فلوس طب إزاى .. وطالع تتكلم عن الفساد.