وجه الاعلامى مدحت شلبى رسائل واضحه الى عدد من أعضاء اتحاد الكورة المصرى برئاسة السيد جمال علام.
البداية كانت الثنائى حازم امام ومحمد بركات، والذى طالبهم بالاستقاله فورا من مجلس جمال علام، قائلاً لهم تواجدكم فى هذا المجلس امر لا يشرفكم على الاطلاق.
وانتقد تضارب المصالح الموجود فى اتحاد الكورة حيث قال : ازاى ايهاب الكومى يبقى عضو فى مجلس اتحاد الكورة وبيشتغل فى الاعلام.
حاجة من الاتنين، إما ان يترك ايهاب الكومى العمل فى الاعلام أو يترك اتحاد الكورة المصرى.
كمان الحج عامر حسين، ازاى عضو مجلس ادارة اتحاد وعضو رابطة الاندية، دا شيء يضرب شرعية الاتحاد المصرى، ولازم يسيب منصب منهم.
وأتم : لو اتحاد الكورة دا بيحس بمسئولية وطنية، كان يتقدم باستقالته فوراً، لكن البرشامة اللى بيجهزها وهى اقالة ايهاب جلال المظلوم مش هنقبل بيها تانى.
