علق أحمد مخلوف مدير المركز الاعلامي والسوشيال ميديا على فوز الزمالك اليوم على فريق البنك الاهلى.
هذا الفوز الذى حدث منذ قليل ورفع رصيد الزمالك الى 48 نقطة مستمراً فى صدارة الدورى.
وعبر صفحته الشخصية على موقع التواصل الاجتماعى تويتر كتب أحمد عطا عدة تويتات قائلاً :
على كلٍ الحمد لله إن الزمالك تجاوز المحنة دي (محنة التأخر في النتيجة في عز تفوقك) بفضل تماسكه النفسي وقوة شخصيته وتحرك فيريرا المستمر من الخط ومعالجة الديفوهات في التشكيلة.
النهاردة من أفضل المستويات لزمالك فيريرا وده شيء كويس رغم النقص في الفريق اللي روحه القتالية عظيمة.
وفى تويته أخرى كتب : سهل توقف الصورة هنا فتدي إحساس للحكم إن في تلامس هنا لكن الحقيقة إن الصورة خدّاعة ورجلين اللعيبة ملمستش بعضها إلا لما اشتبكت برا المنطقة. بالأحرى بعد ما نزلت رجل عبد الله الشمال على الأرض.
الفار واجبه يعيد اللقطة (((كاملة))) من كل الزوايا وبالسرعة العادية أحيانًا مش بس البطيئة.
وفى تويته أخرى كتب : الفار كان من جديد هيضيع على الزمالك ٣ نقاط بعد مهزلة سموحة..الكلام مش عن قرار تقديري لكن قرار الفار معدش فيه اللقطة كاملة بالتصوير غير البطيء اللي يوضح بسهولة إن التلامس الوحيد اللي حصل كان برا وأي إيقاف للعبة قبل كدة يخدع الحكم ويديله إحساس إن في تلامس من الداخل..خليكوا فاكرين.
وأتم : آخر حاجة هقولها.كورة سموحة وهدف المقاولين الملغى أمام الأهلي اللي اترسم فيه خطوط غلط بردو دي أخطاء كارثية.
بالمناسبة أنا أميل إن مهاجم المقاولين وقتها كان متقدم وإلغاء هدفه ضد الأهلي هو إلغاء صحيح لكن طريقة رسم خطوط التسلل كانت غلط فادح ودي بردو حاجات جديرة بالمناقشة إعلاميًا يعني.
