بدا مسئولى اتحاد الكرة المصرى فى التجهيز من الان، لاى خطوة محتملة من البرتغالى كيروش المدير الفنى السابق لمنتخب مصر.
حيث بالامس وكما أخبارناكم، يستعد البرتغالى كيروش لشكوى الاتحاد المصرى لكرة القدم، بسبب عدم حصولة على مستحقاته كاملة.
حيث الاتحاد المصرى خصم منه كل العقوبات التى وقعها عليه الكاف، وبالتالى أصبحت مستحقاته مبلغ ضعيف وهزيل جداً، وهو ما جعل كيروش يهدد بشكوى الجبلاية.
والان تعمل الجبلاية على تجهيز ملف كامل بهذا الامر تحسباً لاى خطوة من قبل البرتغالى ضد الجبلاية.
وتبقى كلمة أو كلمات أو تعليقات : فكرة ان لحد دلوقتى مخدش مستحقاته لحد دلوقتى دا شيء مش مقبول، على الاقل لو احتاجته تانى الاقيه ويجى مرحب.
ثانياً : مكنش لازم يمشى الا وهو ماضى على ورقة تفيد بانه حصل على كل مستحقاته، ونقعد هنا ونتكلم معاه قبل ما يسافر مش نتكلم معاه عن طريق زووم.
ثالثاً : طب ولو ايهاب جلال ممشيش مكنش ملف مستحقاته دا هيفتح ونلاقى فى الاخر شكوى ضدنا فى الفيفا، خاصة ان الموضوع دا لم يفتح الا لرغبة الاتحاد المصرى فى اعادته.
رابعاً : فكرة أصلاً ازاى حد يفكر يجيب كيروش تانى وهو لم يقدم اى أداء مع منتخب مصر، دافع دافع قفل قفل قفل اوصل اضافى وركلات جزاء.
واخيراً : إحنا ليه بنحب نسيب ملفات مفتوحه، ليه مش بنقفل دفاترنا القديمة أول باول بدل العك اللى احنا فيه دا.
