أوضح نائب رئيس مجلس إدارة النادي الإسماعيلي، خالد زين، تفاصيل قرار انسحاب الدراويش من بطولة كأس مصر اعتراضاً على نظام القرعة.
واكد خلال تصريحاته ان أي مكان في العالم المفروض يكون فيه لائحة واضحة للقرعة، والأندية تكون على علم بيها.
وتابع مبيبقاش في قرعة موجهة توجه الزمالك في مجموعة والأهلي في مجموعة أخرى، سجلنا اعتراضنا انهاردة قبل إجراء مراسم القرعة.
واضاف بسبب فكرة إنها موجهة، ومندوب الإسماعيلي اعترض، واحنا مش خايفين من الزمالك، احنا فرقة كبيرة ونلاعب أي فرقة.
وأكمل لكن بقالنا فترة كبيرة بنتعرض لحاجات كتير، وتراجع مستوى المنتخب نتاج مسابقة عقيمة، بتُدار بشكل خاطئ فضلاً عن الأخطاء التحكيمية..
واشار إلى اتحاد الكورة يتجاهلنا ويتجاهل خطابتنا بشأن الظلم التحكيمي، وده مش هنسكت عليه احنا نادي كبير، وقرار الانسحاب مش بس عشان كأس مصر بس.
وأضاف : لكن بسبب تداعيات كتير قبل كدة، وبعض الجماهير اتعملها حظر وهي مراحتش ماتش الزمالك أساسا.
وهدد بتصعيد الامر الى الاتحاد الدولى لكرة القدم، فى حال لم يستجيب الاتحاد المصرى لطلبات الاسماعيلى.
