علق الفنان هشام اسماعيل على مباراة الأمس بين المحلة والاسماعيلى فى نصف نهائى كأس الرابطة التى انتهت للمحلة بركلات الترجيح وتأهل للمباراة النهائية
حيث علق على اللقاء الجماهيرى والحماس بين الجمهورين وكيف نفتقد تلك المتعة خلال الفترات الحالية من تنافس واقعى بين الجماهير فى ظل انتشار ظاهرة أندية الشركات
حيث طالب بمحاولة الحد من أندية الشركات فى الدورى وأنه يوجد ما لا يقل عن 12 نادى طالب بالرحمة منهم فى الدورى
وكتب هشام اسماعيل عبر حسابه على موقع التواصل الاجتماعى فيس بوك قائلا:
اسعدنى الحظ امبارح اتفرج على الشوط التانى من المحلة و الاسماعيلى و كملت لاخر ضربة جزاء و اتفاعلت و استمتعت جدا بحماس الجمهورين الحلوين و افتكرت طفولتى و مراهقتى لما ارجع من المدرسة فرحان ان فيه ماتش المصرى و المنصورة فى بورسعيد او الاتحاد و السويس فى اسكندرية او الاسماعيلى و المحلة فى المحلة كانت ماتشات ممتعة و صوت الجماهير باللكنات بتاعت كل محافظة و اللاعيبة الكبار فى كل فريق اللى بيقعد فى نفس النادى بال١٥ سنة عادى
وتابع: ماعرفش متى طفحت فى حياتنا كل اندية الشركات دى ؟! دورى بقى بلاستيك بلا طعم ولا اصالة ولا كورة حتى هى هى نفس اللاعيبة بتلف على كل النوادى و ناديين محرومين من ملعبهم اصلا و واحد منه ملعبه اتهد للابد و الباقيين هبطوا لغير رجعة
وواصل و تقولى كاس عالم و اصل صلاح خايف على رجله ؟! يا عم ارحمونا بقى من ١٢ فريق فى الدورى ع الاقل يمكن يبقى فيه امل
واختتم: هو لاعب انبى ولا فيوتشر ولا ايسترن ده بيستمد الحماس من مين فى المدرج؟ من رئيس مجلس الادارة ؟
