شن الاعلامى أحمد حسام ميدو، لاعب الزمالك الاسبق، هجوم على مجالس ادارات الاندية المصرية، بسبب الاموال التى تدفع للاعبين وهم لا يستحقوها بسبب مستوياتهم الفنية.
وعبر برنامجة التلفزيونى قال : اللاعب بيبقى عقده مليون، مرة واحده تلاقية 17 مليون، لية محدش فاهم، ومرة واحدة يحصله هزة بسبب الفلوس دى.
يا مسئولى الاندية، فلوس الاندية دى مش فلوس خاصة، دى فلوس ملك الشعب، لازم تتصرف على تطوير ملاعب، تصعيد ناشئين، منشات جديده، مش كلها لكام لاعب.
وتابع ميدو تصريحاته : احنا عندنا مشكلة كبيره فى تقييم اللاعبين، وفى الاساس مبقاش عندنا لاعيبة كتيره مستوياتها عالية.
لازم حد يتدخل ويتم وضع سقف لرواتب اللاعبين، ولازم قانون يعمل كدا، وبطالب رابطة الاندية ببدء تنفيذ هذا الامر.
يرضى ربنا لاعيبه هنا محترفه بتأخد مليون ومليون ونص دولار فى الموسم، وبعد ما يمشى ويروح اى دورى تانى تلاقية بيأخد 200 الف دولار.
وضرب مثلاً والكلام على لسانه بأجوجو لاعب الزمالك الاسبق، حيث قال، كان بيلعب فى نادى درجة تالته فى انجلترا، وكان بيقبض 4000 جنية استرلينى فى الاسبوع، الزمالك مرة واحده جابة واداله مليون دولار.
