بعد حوالى 14 يوم من الان سيقام لقاء القمة بين القطبين الزمالك والاهلى، فى نهائى كاس مصر على ارضية ملعب استاد القاهره.
وهناك نغمة فى الاعلام منذ عدة أيام، من يعمل به يفهم هذه النغمة جيده، وبالطبع لا تخفى على الجمهور الكريم بكافة انتماءاته.
النغمة هى لاعيبة الزمالك أفضل من لاعيبه الاهلى وأن خط هجوم الزمالك أفضل من الاهلى ومدح فى زيزو وبن شرقى والجزيرى الهداف اللى بيجيب كل ماتش هدف واتنين، وكلام بقى ان لاعيبة الاهلى مش فى أفضل حالاتها وماتش القمة فرصة متساوية وتزيد للزمالك كمان .. الكلام دا اتقال.
الكلام دا ومع صحته وهو صح، الا انه الغرض منه هو تخدير لاعبى الزمالك، وللاسف احنا بنقع فيها كتير، ودى غلطة مننا لازم منغلطهاش بعد كدا.
الاعلام ومثال مثلاً اعلامى قناة أون تايم سبورت "بدون ذكر أسامى يعنى" اكيد مش عايزين الزمالك يكسب ومش عايزين الزمالك يبقى على القمة فى اى شيء.
وفكرة التنويم اللى بتتعمل دى المفروض انها بقت مفهومة، هم عايزين يهدوا حماس اللاعبين، ولاعيبة الزمالك تحس اهنا كسبت الماتش قبل ما يتلعب، فبالتالى ثقة زائده ستصل للغرور، وكلما عارفين الغرور اخرته ايه.
المطلوب : ننسى الكلام دا كله، ملناش علاقة بيه، نركز فى ماتشين المقاولون والمحلة، "دول أول حاجه" بعدها تركيز تام فى القمة لان حتى السؤشيال ميديا الاهلاوية بتشتغل على النقطة دى .. ناخد بالنا وبلاش نقع فى الفخ.
