خرج الفنان الزملكاوى عزيز الشافعى للرد على الاتهامات التى طالت قناة أون تايم سبورت من المدعو علاء صادق بمجاملة الزمالك ورفض تواجد شخصيات معينة فى القناة بعدم التحدث عن أمور سلبية ضد النادى الأبيض
تلك الاتهامات التى أثارت جدلا كبير عبر السوشيال ميديا وتعتبر باب جديد من أبواب فتنة هذا الشخص ضد الزمالك وضد الرياضة المصرية بوجه عام.
وكتب عزيز الشافعى عبر حسابه على موقع التواصل الاجتماعى تويتر قائلا:
لو مصدقين المسخ الكداب ده ان اون تايم زملكاويه ف احنا بنترجاكم تقفلوها هتبقوا عملتولنا أكبر خدمه
وتابع: لا عايزين شوبير و لا مدحت و لاالشناوي و لا طه و لا رمزي و لا نصرو لا المحايدين زي فايق و خطاب و متعب و وليد و لا حتى الزملكاويه (ال مجوش ناحيتكم) زي يونس و حازم و ابراهيم
واستكمل عزيز الشافعى قائلا: لو ادارة النادي الأهلي شايفه ان كلامه صح ف ياريت تطلع بيان و تأيده عشان بس نفهم، و لو شايفين كلامه غلط زي اي حد عاقل ف البلد دي زملكاوي او اهلاوي فالسكوت على الكدب و الفتنه دي جريمه
وواصل: الموضوع مش كوره خالص ولازم حد عاقل يطلع يثبت لنا انه مسئول و بيخاف عالبلد مش مشجع متعصب ببدله
