ظهرت على السطح منذ قليل كارثه تحدث فى منتخب الشباب المصرى بقيادة الكابتن محمود جابر.
ولمن لا يعرف القصة من البداية، هو ان هناك معسكر لمنتخب الشباب الان ومن المفترض انه معسكر مغلق استعداداً لكاس العرب.
وان لا يتواجد أحد فيه سوى اللاعبين والجهاز الفنى، طب وايه اللى بيحصل :
اللى بيحصل ان المعسكر قاعد نايم بايت فيه الثلاثى : أمير توفيق مدير التعاقدات بالنادى الاهلي وعادل مصطفى رئيس قطاع الناشئين في نادى فيوتشر وعبد الظاهر السقا المدير الرياضي لنادى فيوتشر.
كان بيتم الضغط على نور الدين البحار من قبل امير توفيق بصورة صعبة اوى على لاعب شاب، امضى وملكش دعوة باتحاد جده.
واللاعب رافض والضغط بيزيد، لحد ماللاعب بلغ ادارة نادية اللى طلبت منه العوده فوراً ووجهت انذار شديد للنادى الاهلى واتحاد الكرة بتاعنا الجميل اوى دا، بانها هتفضح الامر.
الاهلى نجح فى الحصول على توقيع يونس ادريس، ودا لاعب بيلعب فى نادى سوندريسك الدنماركي، رغم انه باقى فى عقده مع نادية 3 مواسم، لكن امضى امضى ملكش دعوة.
النادى الدنماركى عرف وطلب تحقيق فورى فى اللى بيحصل دا، والفضيحه دى من اتحاد الكورة.
فيوتشر كمان حصل على توقيع محمد عز سيمو، ودا حارس الزمالك الاسبق، وحارس كورينسكي الاسباني.
وتبقى كلمة : المشكلة ان الواحد عنده مراره واحده مش اتنين علشان يستحمل كمية الارف دا.
