طالب أحمد دويدار لاعب ومدافع الزمالك السابق بعقاب الأشخاص من جمهور الاتحاد السكندرى الذى أساء للحارس احمد يحيى بالأمس.
خاصة وأن شركة تذكرتى لديها اسماء من دخل الملعب ومن الممكن عقاب هؤلاء ومنعهم من دخول المباريات، قبل مباراة القمة القادمة بين الزمالك والأهلى فى نهائى كأس مصر الخميس المقبل
وكتب احمد دويدار عبر حسابه على موقع التواصل الاجتماعى فيس بوك قائلا:
في انتظار عقاب بعض من جمهور الاتحاد السكندري اللي سب وشتم احمد يحي حارس الاتحاد اللي اخوه اتوفي وصمم يلعب علشان موقف نادي الاتحاد وكان رد الجميل سبه بألفاظ خارجة فين الانسانية والرحمة وانا كلمته دلوقتي نفسيته زي الزفت كل الدعم ليك يا صاحبي.
وتابع: دلوقتي في تذكرتي عارفين مين اللي دخل الاستاد وبالاسماء اطالب رابطة الاندية بشطب نهائي للناس دي ومتنسوش لازم عقاب قاسي ليهم علشان ماتش الزمالك والاهلي قادم.. الاحترام المتبادل شي مهم جدا في حياتنا
يذكر أن الحارس تعرض للهجوم القوى بالأمس من جماهير ناديه عقب الخسارة من سيراميكا بخماسية نظيفة رغم مروره بظروف وفاة شقيقه
حيث لم يتحمل الحارس هذا الهجوم وغادر الملعب فى الدقيقة 80 باكيا لما تعرض له من هجوم عنيف
