كشف الاعلامى مدحت شلبى عن رأيه فيما يقال عن ازمة قيد سيف الدين الجزيرى مهاجم نادى الزمالك.
هذا الحديث الذى ظهر بالامس وقبل ساعات من مباراة القمة، وكل الهدف منه التشتيت فقط للفريق الابيض، من باب تصدير أى أزمة قبل لقاء القمة.
السوشيال ميديا ساعات تتحدث عن فكرة مش معروف مصدرها، ممكن تكون من بنات أفكار رواد السوشيال ميديا، او معلومة جت من احد الاعلاميين، والكل يمشى وراها وخلاص بدون تفكير.
من ساعات انتشرت فكرة ان كل المباريات اللى شارك فيها سيف الدين الجزيرى مع الزمالك، لن تحتسب نقاطها للزمالك، بسبب عدم صحة قيد اللاعب، لان الزمالك كان موقوف من القيد.
الغريب ان بعض الاعلاميين صدقوا هذا الحديث، واتعمل موضوع من لا موضوع وبدا الكل يتكلم فيه.
والموضوع ملوش اى أساس وقيد الجزيرى سليم، لاعب كان معار ومعاك فى القايمة، وتم قيده بعد كدا بعد ما تم تفعيل بند شرائه من المقاولون.
مذيع هو اللى عمل الضجة دى والمفروض لا نصدق أى شيء نسمعه الا لما نتأكد منه خاصة الكلام اللى بيتقال على السؤشيال ميديا.