حلل الاعلامى خالد الغندور الوضع بالنسبة لمحمد صبحى حارس مرمى الزمالك المعار الى نادى فاركو، مع وجود بند احقية الشراء لصالح فاركو.
حيث الاقاويل تؤكد ان فاركو سيفعل بند الشراء بقيمة 20 مليون جنية، ثم يتم بيع الحارس للاهلى بعد ذلك.
خالد الغندور تحدث عن الامر وقال : هل معقول فاركو هيكون "كوبرى" علشان الاهلى يتعاقد مع محمد صبحى، مع العلم ان القيد مقفول فى فاركو.
معقول فاركو يعمل كدا، ويلعب الموسم القادم بدون حارس مرمى علشان يكون كوبرى للاهلى، معتقدش، ثم ان تكلفة محمد صبحى على فاركو تقريباً 11 مليون جنية قيمة الاعارة للزمالك وقيمة عقد اللاعب.
الى جانب 20 مليون جنية حق تفعيل بند الشراء، يعنى اللاعب مكلف تقريباً 31 مليون جنية، يبقى هيبيعه للاهلى بكام.
وفى نقطة تانية محدش واخد باله منها : محمد صبحى مشى من الزمالك علشان وجود ابو جبل وعواد اللى مش فى حته تانية، لانه كان عايز يلعب.
فمعقول هيروح الاهلى علشان يقعد احتياطى للشناوى اللى فى حته تانية لوحده، يبقى عمل ايه، هيقعد على الدكة برضة.
