علق أحمد عيد عبد الملك لاعب الزمالك الاسبق، على مباراة القمة المقرر لها غداً الخميس فى نهائى كأس مصر فى نسخته القديمة.
وعبر صفحته لشخصية على موقع التواصل الاجتماعى فيس بوك كتب احمد عيد قائلاً :
الزمالك بيمر بظروف صعبة محصلتش في تاريخ النادي قبل كدة ومتمسك بالموسم المحلي وبكل البطولات وده بفضل شوية نطام ومدير فني كبير ولاعيبة بقي عندهم طموح وهدف اتحدد ونظام ماشي داخل الفرقة والنادي.
عندنا ماتش ببطولة ومواجهة مباشرة منفصلة عن الدوري تدخلنا التاريخ بثنائية ٢٠٢١ وتقربك من دوري تاني علي التوالي وان حصل بعتبره انجاز تاريخي بكم المشاكل من السنة الي فاتت وحل المجلس وتعيين لجان وقفل قيد وتمرد لاعيبة واصابات وقايمة لاعيبين مش الافضل بس بالنظام بيحققو الافضل وعدم وجود اموال زي المنافسين طبعاً.
الماتش صعب جداً اكيد علي الفريقين ومفيش حاجة مضمونة.
ماتش ٩٠ دقيقة اهداء لجمهور تعب ورا الفرقة وشاف من الجيل ده اخفاقات وبردو مكمل وموجود في كل ماتش كامل العدد اعملو الي عليكو واتعبو وهاتو الكاس لجمهور الزمالك ولو ربنا مش رايد وعملتو الي عليكو الجمهور مكمل وراكو وخلص تذاكر ماتش سموحة واصحو وركزو ومحدش ينيمكو .. #الكاس_يا_زمالك
