رد مجدي عبد الغني لاعب الاهلى الاسبق، على هجوم سيد عبد الحفيظ مدير الكرة فى النادى الاهلى عليه فى تصريحات تلفزيونيه عقب مباراة الاهلى والجونه الاخيره.
هذه التصريحات التى سببت جدل، بعد حذفها ثم اعادة نشرها وفيها هجوم من سيد عبد الحفيظ على مرتضى منصور رئيس النادى ومجدى عبد الغنى، بسبب استضافة مجدى عبد الغنى لمرتضى منصور دائماً فى مداخلات تلفزيونيه.
مجدى عبد الغنى رد على سيد عبد الحفيظ قائلاً : لاعيبتك عماله تقع زى الفراخ.. ركز فى فرقتك وفى الاصابات اللى عندك.
ياسيد انا بقولك لو الاهلى خسر الدورى السنة دى انت هتمشى، وكفاية كلام وتصريحات بقى لحد ما الاهلى يفوز بالدورى.
ووجه رساله لسيد عبد الحفيظ قائلاً : وبعدين هو انا ليه لما اتشتمت فى قناة النادى الرسميه عندك، انت سكت ومردتش هو انا مش من رموز الاهلى.. ولا هو حلال ليك وحرام عليا.
وختم تصريحاته ساخراً : اللهم أجعل الأهلي ومجلس اداراته راضية عنى، وأعطينا حب السوشيال ميديا المدفوعة الاجر.