واصل مجدى عبد الغنى لاعب الاهلى الاسبق، هجومة على سيد عبد الحفيظ مدير الكرة بالنادي الأهلي، عبر برنامجه التلفزيونى.
جاء هذا بعد تصريحات سيد عبد الحفيظ التى سببت جدل، بعد حذفها ثم اعادة نشرها وفيها هجوم من سيد عبد الحفيظ على مرتضى منصور رئيس النادى ومجدى عبد الغنى، بسبب استضافة مجدى عبد الغنى لمرتضى منصور دائماً فى مداخلات تلفزيونيه.
مجدى عبد الغنى وفى رده على سيد عبد الحفيظ قال : حبى للنادى الاهلى مش علشان الفلوس، ولا طمع فى منصب جوا النادى، انا بحب الاهلى اللى لعبت فيه وبعتبر رمز من رموزه.
احنا لعبنا فى الاهلى وكان ممكن نموت فى أى لحظة، زى ما حصل قبل كدا فى زامبيا مثلاً، وشوفنا الموت والمرمطة فى افريقيا وكان طالع عين ابونا علشان الكيان.
بيتهيالى يا سيد انت مجبتش البطولات اللى جيلى حققها، واللى كان منهم انا ومصطفى عبده والخطيب رئيس الاهلى الحالى.
وعيب اما تقولى مبادئ الاهلى، وهى مبادئ الاهلى ان رمز من رموزه يتشتم كل يوم من كتائب الكترونية مدفوعة الاجر على السوشيال ميديا.
وأضاف : على الرغم من انى داعم لاى شخص يتولى رئاسة الاهلى، الا اننى كنت أرى ان محمود طاهر كان الانسب لقيادة الاهلى.
