انتقد الاعلامى هانى حتحوت الاقاويل التى تخرج من مسئولى واعلام وجمهور الاهلى والخاصة بالتحكيم المصرى، وبزملكة الدولة على حد قولهم.
وعبر برنامجه التلفزيونى قال هانى حتحوت : الاهلي الغي له هدف، وفاركو كمان كان له طربة جزاء لم يتم احتسابها، ووحصل اعتراض كبير من الجهاز الفنى للاهلى وسيد عبد الحفيظ مدير الكرة فى الاهلى.
اللى خد انذار لانه راح للحكم بالتليفون يوريه ان الهدف مش أوفسايد، وكروت سيد عبد الحفيظ كترت اوى فى الفترة الاخيره.
بعيداً عن زملكة الدولة النغمة اللى ماشيه اليومين دول، جماهير الاهلى اللى كانت فى المدرجات هاجمت اللاعبين لانها شافت ان فيه تقصير ودا يدل على وعى.
لكن فى اتجاه انك تودى الموضوع فى سكة التحكيم واخطاءه والاعلام، ومحدش عاوز يحط ايده على الاخطاء الحقيقيه اللى الاهلى بيخسر بسببها.
جمهور الاهلى هتف طلعوا الناشئين، ومن حق الجمهور يزعل لكن متقولش ان خسارة الاهلى نقاط كتيره بسبب التحكيم او زملكة للدوله والاعلام.
وعلق على بيانات الاهلى الكثيره هذا الموسم قائلاً : الاهلى عمل رقم قياسى فى اصدار البيانات هذا الموسم وعمل عدوات لنفسه كتير بسبب البيانات دى، وكان مضمونها انا مش بغلط غيرى هو اللى بيغلط، وان مينفعش اخسر.
لا عادى ينفع تخسر، ولازم الاهلى يفكر هو ليه خسر كل البطولات الموسم دا، أكيد مش بسبب الحكام، شوفوا الغلط فين وصلحوه بعيد عن الكلام دا.
