علق الناقد الرياضى عمرو الدردير على " الهيصه" التى يقوم بها مسئولى الاهلى واعلامه بعد مباراة الاهلى بالامس أمام فاركو والتى انتهت بالتعادل السلبى.
هذه المباراة التى انتهت بالتعادل السلبى، وسط حالات لغط تحكيميه هنا وهناك، وتحدياً الهدف الملغى للاهلى، وركلة جزاء لفاركو
وعبر صفحته الشخصية على موقع التواصل الاجتماعى فيس بوك كتب عمرو الدردير قائلاً :
الحمدلله على نعمة الزمالك والله فضلنا ١٠ سنين بنتعرض لأقصى درجات الظلم من فترة ٢٠٠٥ لحد ٢٠١٥ .
دوريات كتير ضاعت علينا بسبب لمسة يد متحسبتش هدف بيتلغي بداعي التسلل كنا بنخسر الدوري واحنا مركز تاني وبفارق بسيط عن الاهلي لا كان لينا إعلاميين يطلعوا يقولوا الزمالك بيتظلم ولا تهديد بالانسحاب كانت المشاكل كتير وديون مغرقة النادي وبنلاقي مئات الآلاف من جمهور الزمالك حاضر في المدرجات جيل جوزية بتاعهم اللي بيفتخروا بيه دا مدرب معملش اي حاجه.
وكالة الاهرام لمت عمالقة الدوري المصري كلهم وصفت الاندية وضمتهم للأهلي ويقولك إنجاز لا بجد الحمدلله على نعمة الزمالك والله فيه بينا وبينكم فرق سنين ضوئية والله في العقلية وفي التشجيع وفي كل حاجه.
اه بالمناسبة لما تيجي تقول انك اتظلمت ابقى شوف اللي انت ظلمتهم وبتبقى مفتخر بأنك ظلمتهم وتقول اللي مش عاجبه يشتكي وينسحب متجبش الحتت بتاعتك بس وتعمل مش شايف الباقي عشان بتبقى منافق اوي
وتابع فى بوست اخر قائلاً : فيه فرق بين الكبوة والفشل متقوليش انك في كبوة وأنت عندك أكبر عقد رعاية وفلوس اعلانات مش مع نادي في أفريقيا كلها متقوليش كبوة وأنت عندك أغلى لاعبين في الدوري وأفريقيا كلها متقوليش كبوة وأنت عندك مساندات إعلامية وابنائك متوزعين في كل المناصب الرياضية.
متقوليش كبوة وأنت مجربتش حل وتجميد مجلس ادارتك بدون سبب وجالك ٣ لجان مؤقته في اقل من سنة متقوليش كبوة وأنت مجربتش يبقى خزينتك فاضيه وممعكش فلوس تدفع رواتب الموظفين والعمال مش هقولك اللاعبين لو فيه نادي مر بكبوة الفترة الأخيرة ف الزمالك فقط ومع ذلك قدر يحقق الدوري في عز كبوته إنما اللي انت فيه دا ياحبيبي اسمه فشل فهمت ؟
