شن مرتضى منصور رئيس النادى رئيس النادى هجوم عنيف على الحكم ابراهيم نور الدين، حكم مباراة الاهلى والاتحاد السكندرى بالامس والتى انتهت بفوز الاهلى بثلاثية نظيفه.
وأكد منصور فى تصريحاته ان الفيلم اللى عملة محمود الخطيب جاب نتيجة مع ابراهيم نور الدين الملاكى، متسائلاً هل سيخرج اعلام الاهلى والخطيب نفسه لمهاجمة ابراهيم نور الدين.
إبراهيم نور الدين كان متبقى له فقط أن يقوم بطرد محمد مصيلحى رئيس الاتحاد السكندرى، من المقصورة، موجهاً له رساله اتقى ربنا انت عارف هما جابوك ليه بعد قصة الحلزونه اللى حصلت.
وطالب منصور بعرض صورة للحكم ابراهيم نور الدين على الشاشه بعد ان طلب هذا من فريق اعداد قناة الزمالك وهو يقف على الكرة وعلق عليها قائلاً :
أبو طويله وقف على الكورة، وهو حكم ملاكى معروف جايبينه يغيظ الزمالك، وانا خايف على الاتحاد السكندرى لانه كدا معرض للهبوط وموقفه صعب.
عماد النحاس لو بايع الماتش للاهلى، يبقى باع الاسكندرية كلها والاتحاد عنده ماتشات صعبه زى الزمالك والاسماعيلى والمافسة على الهبوط مشتعلة.
وأتم : انا عايز أسال سؤال هو ابراهيم نور الدين راح لتقنية الفيديو مرة واحده فى اللقاء .. لا، متسائلاً هل هيكون فى كل ماتش للاهلى ابراهيم نور الدين.
