وجه الناقد الرياضى عمرو الدردير رساله الى لاعب الفريق السابق الهارب محمود عبد المنعم كهربا لاعب الاهلى الحالى.
هذه الرسالة تاتى فى ظل تأزم موقف اللاعب فى الفترة الاخيره، بعد ان أصبحت الغرامة الموقعه عليه نهائية ورسميه واللاعب لا يعرف ماذا يفعل، لان الاهلى بالبلدى كدا باع اللاعب كما نؤكد لكم.
وعبر صفحته الشخصية على موقع التواصل الاجتماعى فيس بوك كتب عمرو الدردير قائلاً :
أنت كنت افضل لاعب في الزمالك والدوري المصري ضيعت نفسك في مغامرة مش مضمونة وآخرتها انك نسيت كرة القدم والنادي اللي وعدك انك هتكون في أمان واقنعك تسيب الزمالك دلوقتي باعك وانت مش فارق معاه بدليل انه عرض على بن شرقي 3 مليون دولار و فيلا في الساحل قولي بقى انت تفرق ايه عن بن شرقي اللي كان هيجي يلعب مكانك.
والفلوس هتتوفر ساعتها رغم انك موجود ويقدروا بفلوس اقل يخلوك ترجع ؟ انتظر كمان فيه مفاجأت الاهلي بيحاول يتعاقد مع مصطفى فتحي وعارض عليه مليون دولار وبيحاول يتعاقد مع محترفين ويعمل صفقات بأرقام كبيرة انت فين بقى يانجم من كل الليله دي مش لو هما شايرينك كان زمانهم عملوا حسابك في الهيصه دي ؟ .
هما ميقدروش يكلموا راجل أعمال يخلصلك الموضوع ؟ لو مجلس الاداره اجتمعوا بكل لاعبي الاهلي وكل لاعب اتبرعلك ب ١٠٠ الف ويستردوها تاني منك لما رينا يكرمك عشان يرجعوك الحوار مش هيخلص ؟ .
الحقيقه ان فيه مليون حل يرجعوك بس هما مبقوش حبينك ياكهربا لأنهم كانوا حابين يضايقوا بيك الزمالك وخلاص و ده حصل يشوفوا لاعب تاني بقى يعملوا معاه نفس اللي عملوه معاك إنما أنت خلاص بقيت كارت محروق بالنسبالهم.
عارف ربنا هيكرمك تاني امته بقى ؟ لما تعترف بالذنب اللي عملته وتقول كل حاجه بنيه خالصه وندم لربنا ساعتها حالك هيتغير والله.
