تحدث الاعلامى أحمد حسام ميدو نجم الزمالك الاسبق، عن البرتغالى فيريرا المدير الفني للفريق، بعد الادا والشكل الذى يقدمة الفريق الاول لكرة القدم بالنادى تحت قيادته.
ميدو اكد انه إطمان لحديثه عند حديثه معه فور تعاقد الزمالك معه، لانه مركز، وقتها كتبت على تويتر العو رجع.
وقتها ناس كتير هاجمتنى، لكن انا قولت ان فيريرا زى العربيه اللى صعب تلاقي زيها، وهو فعلاً مدرب صعب تلاقى زيه، وهو منسجم مع الزمالك.
ميدو اكد أن الزمالك يقترب وبشده، من تحقيق لقب الدوري للموسم الثانى على التوالى، وهو أمر جيد جداً فى ظل ظروف النادى التى يعرفها الجميع.
فاضل على الحلو مباراتين، ولازم نوجه التحية على لكل الناس اللى شغاله فى الزمالك، انك توصل للفريق بالشكل دا حاجة مش سهلة.
بأكد لكم ان لاعيبة الزمالك أخر حاجة بيفكروا فيها دلوقتى هى الفلوس، كل هدفهم اسعاد الجمهور، اللى هو سر الفوز.
موسم تاريخي للزمالك، وكل الناس هتفتكر الموسم دا، ان الزمالك عمل معجزه فى ظل وقف قيد ورحيل لاعبين، دى معجزه فعلاً.
