فى تصريحات غريبة وعجيبة وغير منطقية حتى من باب المجاملة للسيد باتريس موتسيبي رئيس الاتحاد الإفريقي لكرة القدم، من المفترض انها تستجوب ولو توضيح وتليق من الاتحاد المصرى لكرة القدم.
أكد باتريس موتسيبي رئيس الاتحاد الإفريقي لكرة القدم أن الكاميرون وفى النسخة الاخيره لبطولة كاس الامم الافريقيه التى اقيمت فى شهرى يناير وفبراير من العام الحالى نظمت نسخة رائعة من البطولة.
وأشار الى أن الكاميرون تفوقت فى التنظيم عن نسخ كثيره سابقة للبطولة، بل وتفوقت على مصر فى بعض الامور التنظيميه عن البطولة الاخيره التى أقيمت 2019.
ووصف التنظيم بالمثالى وبالنموذج المميز والذى يجب أن يكون فى كل تنظيم لحدث أفريقى، واصفا هذا التنظيم بالانجح فى تاريخ بطولات كأس الامم الافريقيه.
ويبقى السؤال : بامارة ايه .. بامارة فاجعة مقتل المشجعين 8 واصابة 40 فى تدافع باستاد ياوندي قبل مباراة الكاميرون وجزر القمر.
ولا بامارة أنها لحد اخر لحظة كانت ممكن تتاجل علشان الكاميرون مش جاهزه ..ولا اللى حصل فى ماتش تونس ومالي، واللى خلى مباراة موريتانيا وغامبيا تتأخر 45 دقيقة لان المباراة كانت على نفس الملعب، ودا أمر مرفوض علشان الجماهير وأرضية الملعب .
ولا اطلاق النار فى مدينة بويا اللى كان فيها 4 منتخبات مشاركة ..واضح ان رئيس الاتحاد الافريقى كان نايم فعلا ودى حقيقه فى ماتش جزر القمر الغابون، وبالفعل التقطت الكاميرات الرجل وهو نائم ..
يا جماعة عيب مش كدا.. دا احنا كنا عايشين الحدث.
