استنكر طارق يحيي لاعب ونجم الزمالك الاسبق، مظلومية النادى المنافس فى ظل خساراته لبطولات هذا الموسم ما بين كأس مصر والدورى عن الموسم الماضى ودورى ابطال افريقيا.
طارق يحيي وعبر برنامجه التلفزيونى قال : مش معنى ان الاهلى خسر كل البطولات، ان الاهلى يكون مظلوم.. ليه مش بتدوا الزمالك حقه وبتقولوا ان كان أفضل، ويستحق.
على فكرة نادى الزمالك بيبارك للمنافس عندما يفوز ببطولة، واحنا دايماً عندنا بنعترف بالحقيقه، لما الزمالك بيكون وحش بنقول وحش.
يا جماعة الزمالك كويس ويستحق الفوز، وفى حاجة كمان فى عز ما كنا بنتظلم مكنش حد بيطلع يتكلم.. وياريت لما الزمالك يكون كويس قولوا.
الحمد لله أداء الزمالك مطمئن جداً للجماهير، فى الوقت اللى كنا من فترة كان عندنا يأس فى ظل ظروف صعبة كنا بنعانى منها ولسه بنعانى منها لحد دلوقتى.
الفرق كلها جابت لاعيبه الا الزمالك بسبب ازمة وقف القيد، ولكن الزمالك أثبت انه الافضل بفضل جمهوره اللى كان واقف فى ضهره وبيسانده.
