تحدث محمد أبو جبل حارس مرمى الزمالك السابق عن كواليس وظروف رحيله عن نادى الزمالك خلال الفترة الماضية.
وعبر تصريحات تلفزيونيه له قال أبو جبل منذ قليل : انا عايز اعرف انا عملت ايه علشان أتهاجم بالشكل دا من الاعلام ومن الجمهور.
بأكد ان نادى الزمالك عمرة ما قصر معايا فى حاجة، لكن فى حاجات كتير الناس متعرفهاش، وانا متاكد لو اتكلمت الناس هتفهم الحقيقه.
جمهور الزمالك لازم يعرف ان فى ظروف بتبقى خارج ارادة اللاعب فى توقيتات معينه، يعنى مثلاً لما يبقى فاضل فى عقدى 6 شهور ويتقال لى انك مش اولوية عندنا فى التجديد مطلوب منى ايه.
ولما الاقى لاعيبه تانية بتجدد وانا عقدى خلاص بيخلص اعمل ايه، وجمهور الزمالك على راسى وعارف انهم لو عرفوا حقايق كتير هيقدروا.
انا بشكر مرتضى منصور، ولو كان جه بدرى شوية كانت الامور اختلفت، لكن هو جه وانا كنت مضيت فى النصر السعودى، وهو وقف جنبى كتير.
علاقتى بفيريرا مميزه، والزمالك بيتى لعبت فيه 6 سنين، ومش مستنى حد يقولى ارجع لبيتك، انا عمرى ما عملت مشكلة.
بعد فسخ عقدى مع النصر، وانا لجأت للفيفا فى المسألة دى، عندى خيارات كتير، لكن كانت الاولوية عندى نادى الزمالك، وهبدا فى دراسة كل العروض علشان ألحق القيد.
