شن مرتضى منصور رئيس النادى هجوم على الثنائى كريم حسن شحاته وأحمد شوبير، بسبب تصريحاتهم عن نادى الزمالك مؤخراً.
كريم حسن شحاته الذى دائماً ما يتحدث عن عروض لرحيل لاعبى الزمالك المميزين، وأن هناك عروض لهم من هنا ومن هناك وتحديداً أحمد سيد زيزو.
مرتضى منصور وعبر تصريحات تلفزيونيه له قال : انا رسالتى لخالد جلال المدير الفنى للبنك الاهلى، مشى كريم حسن شحاته وانت هتكسب الواد دا نحس.
دا سبب نحس لابوه كابتن حسن شحاته، اللى بقاله 10 سنه مش شغال وقاعد فى البيت بسبب نحس الواد دا، اللى عمال يضرب أخبار عن الزمالك.
بالنسبه للكابتن شوبير اللى سمعت انه بيقول انه عايز يعلق على ماتش الزمالك والاتحاد، فبقوله بلاش علشانك انت، ممكن يطق لك عرق ولا حاجة لو الزمالك جاب جول.
ارجوك ابعد عن الزمالك، ورسالتى للمسئلين عن القناة فى معلقين كتير بلاش استفزاز للجمهور، وانا لما قلت كلمة "شفاتيرو" قبل كدا عرفت انك بتزعل منها، ودى مش سب وقذف، دا وصف.
