شن أحمد حسام ميدو نجم الزمالك الاسبق، هجوم على منظمى مراسم تتويج الزمالك بلقب الدورى العام والذى تم تسليمة للزمالك بالامس.
حيث انتهت مباراة الاتحاد وتم تسليم الدرع للزمالك، وسط حالة من الهرج لم تنال رضا الكثيرين، بسبب سؤء المشهد الختامى.
ميدو اعتبر أن ما حدث لا يليق، قائلا : المصور اللى عرف يأخد صورة فى اللقاء لفريق الزمالك، لازم يأخد جائزة صورة العام.
شيكابالا استلم الدرع وكان بيدور على زملائه فى الفريق، علشان الاحتفال معاهم، ومكان الصحفيين والمصورين كان غريب جداً.
مكنش فى اى مساحه للاعبين، وفى ناس كانت موجوده مش معروف مين دول، ومش فاهم ازاى دا بيحصل لحد دلوقتى.
ياجماعه لازم التنظيم يبقى أفضل من كدا، فى العالم كلة الامور بتبقى منظمة عن كدا.
