حرص المحلل الرياضى خالد طلعت أن يرد على أصوات أهلاوية تحرص على عمل مقارنة غير عادلة بين لاعب الأحمر ميكيسونى واللاعب شيكابالا قائد الفريق الأبيض
حيث يتحدث البعض ان ميكيسونى أحرز أربعة اهداف هذا الموسم فى الوقت الذى أحرز شيكابالا هدفين فقط، وهى مقاربة ظالمة لا تُعطى الأباتشى حقه
ليرد خالط طلعت بالمنطق والبراهين على مقارنات بعض الأصوات الأهلاوية ويعقد بعض الاحصائيات التي ترد على تلك المقارنة.
وخرج خالد طلعت عبر حسابه على موقع التواصل الاجتماعى فيس بوك قائلا:
شيكابالا قعد 15 سنة كاملة ماخدش الدوري ، وكان بيسجل أهداف عالمية وبيصنع أهداف كتيرة ، ومرة أخد هداف الدوري، وكمان سجل أكتر من هدف في مرمى الأهلي بس الزمالك كان بيخسر، وكانوا الأهلاوية وأنا معاهم كنا بنقول ان الاهداف دي كلها مالهاش لازمة ومش مفيدة لأنها في الأخر مأسهمتش في بطولة والأهم هي البطولات مش الأهداف، وأنا شخصيا بتفق مع الكلام ده ومقتنع بيه تماما.
وتابع: الغريبة بقى ان شيكابالا اخر سنتين خد الدوري مرتين مع الزمالك وخد كاس مصر، وسجل 4 أهداف وصنع 8 أخر موسمين، وسجل هدف وصنع هدف في الاهلي والزمالك خرج متعادل بعد ما كان خسران والمباراة دي تحديدا كانت نقطة تحول في مكان درع الدوري من الجزيرة لميت عقبة
وواصل: فوجئت ان بعض الأهلاوية بقى غيروا كلامهم 180 درجة ومنزلين احصائية مالهاش 30 لازمة ان المدعو ميكيسوني ساهم في اهداف في الدوري أكتر من شيكا ، بس عايز أقولهم بنفس المنطق بتاعهم اللي بيقولوه بقالهم 15 سنة ، ان أنا مش هقارن بين ميكي وشيكا لأن المقارنة متنفعش أساسا ، لكن هقولهم ان محمد خضري ناشىء الزمالك اللي نزل لعب ربع ساعه في ماتش وساهم مع زمايله في الفوز في الماتش ده ،دوره أهم الموسم ده من علي معلول نجم الأهلي اللي ساهم في 12 هدف مع الأهلي ، لأن مشاركة خضري كانت مساهمة منه في تتويج الزمالك بالدوري ، ولكن أهداف معلول الـ12 ساهموا في ان الأهلي بقى في المركز التالت
